Në një tubim zgjedhor me veteranë të Ushtrisë Çlirimtare të Kosovës, anëtari i Partisë Demokratike të Kosovës, Agim Çeku, iu drejtua të pranishmëve me fjalët se PDK-në me veteranët “përherë do t’i bashkojë UÇK-ja”.

“Prezenca e juve në këtë numër kaq të madh tregon se sa e fortë është lidhja jonë me Partinë Demokratike t ëKosovës. Nuk është e rastësishme që themeluesite e UÇK-së janë edhe themeluesit e PDK-së”, tha Çeku.

“Ne flasim për shtet, liri e PDK-së, por flasim edhe për protagonistët kryesorë të këtyre zhvillimeve: janë Thaçi e Veseli. Ata po na mungojnë shumë. Por, besojmë që shumë shpejt do t’i kem pranë nesh”, tha ai.