Ish-kandidatja e LDK-së për kryeministre në zgjedhjet e fundit, Vjosa Osmani, e ka lënë të hapur mundësinë e kthimit në LDK, në rast se kryesia aktuale e kësaj partie do të largohej.

Duke e komentuar këtë deklaratë, nënkryetari i LDK-së, Agim Veliu, ka zgjedhur të flas për pamjen e Vjosa Osmanit duke thënë se “është shumë e gjerë dhe i duhet hapësirë”. Ai ka thënë se edhe po të largohet e gjithë Kryesia e LDK-së nuk do ta zë Osmanin aty.

“Unë e di që ajo është tepër e madhe dhe i duhet hapësirë shumë, a po kupton çfarë, qysh konteksti po e them. Unë e di që ajo është tepër e madhe, e gjanë (e gjerë) edhe i duhet hapësirë shumë, po nuk e paskna ditë që duhet komplet një kryesi me ja lëshuar vendin edhe nuk e di a e nxënë”, ka thënë Veliu për “Periskopin”.

Ndërkohë, LDK-ja dhe Vjosa Osmani kanë ndarë rrugët. Kjo e fundit para disa ditëve ka bërë publike sloganin (Guxo) e iniciativës me të cilën do të garojë në zgjedhjet që pritet të mbahen.