Presidenti serb, Aleksandër Vuçiq në konferencën për media në Beograd që e ka mbajtur pas takimit të 18 gushtit në Bruksel dhe pasi ka takuar katër kryetarët e komunave me shumicë serbe të Kosovës, ka folur për targat duke thënë se ka kërkuar që ato të lejohen edhe më tej për serbët e Kosovës.

Vuçiqi e ka nxjerrë para gazetarëve vendimin e ish-ministrit Agim Veliu për shfuqizimin e tabelave KS që sipas Vuçiq janë të pranueshme për serbët pasi ato janë në përputhje me rezolutën 1244 dhe janë lëshuar nga UNMIK-u.

“Ata shfuqizuan tabelat KS në mënyrë të paligjshme në 2020”, ka thënë ai.

Vuçiqi ka thënë se për serbët janë të papranueshme targat RKS pasi sipas tij lidershipi kosovar po synon të çrrënjosë gjithçka të shtetit serb në Kosovë.