Kryetari aktual i Komunës së Junikut, njëherësh kandidat i AAK-së edhe për një mandat të ri, Agron Kuçi, ka reaguar pasi ka përfunduar numërimi preliminar i votave të rregullta nga ana e KQZ-së.

Ai ka falënderuar qytetarët e Junikut për mbështetjen e dhënë në zgjedhjet e 17 tetorit, ku ka marrë 47,26 për qind të votave.

Në ketë rezultat nuk hyjnë votat me kusht, ato nga diaspora dhe të personave me nevoja të veçanta.

“Bashkëqytetar të dashtun! Duke iu falënderuar për një proces të qetë e demokratik zgjedhor dhe për besimin e dhënë, faleminderit që edhe kësaj radhe na nxorët fitues. Presim numërimin e votave me kusht, votat nga ekipa mobile dhe votat nga diaspora. Faleminderit për çdo votë që rikonfirmon besimin e dhënë nga ju, iu jam mirënjohës përjetësisht!