Kryetari i Partisë Socialdemokrate (PSD), Shpend Ahmeti, ka thënë se pasivitetit i institucioneve të Kosovës për dy dekada nuk mund të zëvendësohen me dy ditë rezoluta e kërkesa për tribunale.

Ai ka thënë se Kosova duhet ta ndjek shembullin e Kroacisë në këtë drejtim.

“Ka shumë njerëz që kanë punuar në mbledhjen e dëshmive. Ka shumë dëshmitarë. Krejt çka duhet me ba është ma aktivizu prokurorinë speciale dhe me i hap rastet një nga një, për të gjitha krimet. Mund ta ndjekim rastin e Kroacisë. Përndryshe, marria e djeshme veçse do të përsëritet në përmasa më të mëdha”, ka shkruar Ahmeti në llogarinë e vet në “Facebook”.

Postimi i plotë i tij:

Krejt kjo maskaradë është rezultat i ngutisë së paparë dhe “shfaqjes” për gjoja zbardhjen e gjenocidit serb në Kosovë. 20 vite pasivitet i institucioneve nuk mund të zëvendësohen me dy ditë rezoluta e kërkesa për tribunale.

Ka shumë njerëz që kanë punuar në mbledhjen e dëshmive. Ka shumë dëshmitarë. Krejt çka duhet me ba është ma aktivizu prokurorinë speciale dhe me i hap rastet një nga një, për të gjitha krimet. Mund ta ndjekim rastin e Kroacisë.

Përndryshe, marria e djeshme veçse do të përsëritet në përmasa më të mëdha.

Urdhërdhënësit e publikimit të fotos së djeshme duhet të japin përgjegjësi morale, politike e ligjore.

Mos fajësoni të tjerët. Mos keqpërdorni kredibilitetin e njerëzve që kanë qenë të persekutuar.

Ndaleni këtë shfaqje.