Kryetari i Prishtinës, Shpend Ahmeti ka komentuar dorëheqjet e fundit që ndodhën në Lëvizjen Vetëvendosje.

Ai ka thënë se veprimet e tilla janë humbje për LV-në dhe se të ndarë të gjithë do të jenë më të dobët.

“Dorëheqjet në VV janë humbje, pa marr parasysh nga cili këndvështrim e sheh. Të gjithë janë të vlefshëm dhe të domosdoshëm për VV që është apo ishte pranë fitores. Në qoftë se ndodh ndarja do të jenë të gjithë më të dobët, edhe ata që rrijnë edhe ata që shkojnë, edhe deputetët edhe kryetarët. Thirrje për të gjithë të ulen bashkë. Mendime ndryshe ka me pas gjithmonë e posaçërisht kur organizata rritet”, ka shkruar Ahmeti në profilin e vet në “Facebook”.