Kryetari i Komunës së Prishtinës, Shpend Ahmeti, ka thënë se investimet në përmirësimin e infrastrukturës rrugore në pjesët rurale të Prishtinës po vazhdon, për të siguruar qarkullim të lehtë e të sigurtë për banorët e këtyre zonave.

“Rruga që lidh fshatrat Radashevc e Siqevë, si dhe rrugcat e fshatit Siqevë kanë pamje tjetër, tash pas përfundimit të punimeve në këto rrugë. Kjo është pamja në vjeshtën e vonë plot ngjyra!”, ka shkruar Ahmeti në llogarinë e vet në “Facebook”.