Ndonëse ka përfunduar Halloween edhe sot autobusët e trafikut urban janë gjuajtur me vezë nga disa qytetarë.

Lajmin e ka bërë me dije kryetari i Prishtinës, Shpend Ahmeti në llogarinë e vet në “Facebook”.

Ai u ka bërë thirrje qytetarëve që të mos i dëmtojnë autobusët.

Ahmeti ka treguar se policia është në patrullim dhe çdo rast do të lajmërohet.

“Vazhdon gjuajtja me vezë e autobusëve edhe sot. Halloween ka përfunduar. Ju lutem mos i dëmtoni autobusët. Policia është në patrullim dhe çdo rast do të lajmërohet”, ka theksuar Ahmeti.

/Epoka e re/