Ahmeti uron Abdixhikun, e siguron për partneritet me BDI-në
Kryetari i Bashkimit Demokratik për Integrim, Ali Ahmeti ka uruar Lumir Abdixhikun për zgjedhjen në krye të LDK-së.
Ahmeti ka thënë se Abdixhiku në BDI do të gjejë partner për projekte dhe ide të interesit të përbashkët të qytetarëve të të dyja vendeve.
Postimi i plotë i Ahmetit në “Facebook”:
I nderuari Lumir,
Kam nderin e veçantë që në emër të të gjithë neve pranë Bashkimit Demokratik për Integrim të të uroj për zgjedhjen e sotme në krye të Lidhjes Demokratike të Kosovës.
Të uroj shumë shëndet, suksese dhe mbarësi në sfidën e rradhës dhe të siguroj që tek ne në BDI do të gjesh partner për projekte dhe ide të interesit të përbashkët të qytetarëve tanë.
Gjithashtu, falemenderoj edhe ish kryetarin e LDK dhe kryeministrin e Kosovës z. Isa Mustafa për bashkëpunimin e derisotëm dhe i uroj shëndet dhe të gjitha të mirat.