Profesori universitar, akademiku Arsim Bajrami ka kërkuar nga studentët, profesorët, dekanë e anëtarë të Senatit dhe Bordit të USHT-së që ta mbështesin kandidaturen e prof.dr. Jusuf Zejnelit për rektor të Universitetit.

“Të nderuar studentë, profesorë, dekan, antarë të Senatit dhe Bordit të USHT-së, udhëheqës të Ministrisë së Arsimit në Qeverinë e Maqedonisë së Veriut,  ju kërkojë të mbështesim të gjithë së bashku kandidaturen e Prof.drJusuf Zejneli për Rektor të Universitetit”, ka shkruar prof. Bajrami.

Postimi i plotë i Arsim Bajramit:

Prof.dr. Jusuf Zejneli, kandidat për Rektor i Universitetit Shtetëror të Tetovës

Të nderuar studentë, profesorë, dekan, antarë të Senatit dhe Bordit të USHT-së, udhëheqës të Ministrisë së Arsimit në Qeverinë e Maqedonisë së Veriut,  ju kërkojë të mbështesim të gjithë së bashku kandidaturen e Prof.drJusuf Zejneli për Rektor të Universitetit.

Prof.Jusufi, bashkë me Rektorin themelues Prof.dr. Fadil Sylejmani  ka kontribuar në themelimin, zhvillimin dhe afirmimin e USHT-së, si një institucion universitar që ka pas rol prijës në edukimin dhe emancipimin e  shqiptarëve, barazinë dhe statusin shtetëformues të tyre  në Meqedoninë e Veriut.

Profesor Jusufin e  njohë që nga fillimi i viteve të 90-ta, si student, aktivist, studentor, asistent, koleg dhe tani dekan i Fakultetit Juridik. Ai është një ekspert dhe udhëheqës i shquar që me pozitivitetin e tij, dashurinë ndajë studentëve dhe kolegëve dhe bashkëpunimin me studentë dhe profesorë do të vazhdojë reformimin e USHT-së dhe integrimin e tij në hapësiren evropiane të arsimit të lartë.

Prof Jusufin e kisha asistent për dy  dekada, e kam mentoruar si magjistrant dhe doktorant dhe jam i sigurtë se ai është i denjë për të ushtruar poziten e Rektorit të Universitetit Shtetëror të Tetovës.

Arsim Bajrami,

Laurat i çmimit Dr. Honoris Causa i Universitetit Shtetëror të Tetovës.