Një aksident i rëndë trafiku ka ndodhur në rrugën Rahovec-Malishevë, ku për pasojë shtatë persona kanë mbetur të lënduar.

Lajmi është konfirmuar edhe nga Policia e Kosovës të cilët kanë bërë të ditur se një pjesë e të lënduarve po trajtohen në Gjakovë, e pjesa tjetër në Prizren.

Aksidenti ka ndodhur afër fshatit Zatriq.

“Rreth orës 15:30 ka ndodhur një aksident në aksin rrugor Rahovec- Malishevë, afër fshatit Zatriq, ku kanë mbetur 7 të lënduar. Një pjesë e të lënduarve në emergjencë Gjakovë, të tjerët në emergjencë në Prizren”, kanë thënë nga Policia e Kosovës.