Katër persona janë lënduar si pasojë e një aksidenti mes tri veturave dhe një autobusi në fshatin Prelez i Muhaxherëve të Ferizajt.

Rasti ka ndodhur mbrëmë rreth orës 21:00.

Kjo u konfirmua nga zëdhënësi i policisë për rajonin e Ferizajt.

“Ata janë transportuar për trajtim mjekësor në Qendrën Emergjente në Ferizaj nga ekipet e autoambulancës. Për të gjitha veprimet e ndërmarra nga policia, është njoftuar prokurori i shtetit. Më pas janë liruar të lënduarit”, tha Veseli.

E dje në një aksident në fshatin Çubrel të Skenderajt vdiqën tre persona dhe pesë të tjerë u lënduan, prej tyre katër zyrtarë policorë.