Një çiklist 27-vjeçar ka humbur jetën pasi është goditur nga një veturë mbrëmë rreth orës 22:40 në rrugën ‘Papa Klimenti’ në Pejë.

Rastin për “Klan Kosova” e ka konfirmuar zëdhënësi i policisë së Pejës, Driton Rugova i cili tha se në vendngjarje kanë dalë menjëherë njësitet relevante dhe vdekja e viktimës është konstatuar nga ekipi mjekësor.

Me vendim të prokurorit trupi i pajetë i lejohet familjarëve për ceremoni mortore.

I dyshuari është ndaluar në mbajtje.