Një 75-vjeçar ka mbetur i vdekur pas një aksidenti trafiku që ka ndodhur sot në fshatin Kopiliq të Skënderajt, shkruan Reporteri.net.

Për rastin ka njoftuar Policia e Kosovës, përmes një njoftimi në faqen zyrtare.

“Rreth orës 17:00, është raportuar për një aksident trafiku me pasojë fataliteti i shkaktuar në fshatin Kopiliq të Skenderajt. Në aksident janë përfshirë një veturë dhe një këmbësor, ku si pasojë e lëndimeve të pësuara ka humbur jetën këmbësori i moshës rreth 75 vjeçar. Njësitet përkatëse policore kanë dalë në vendngjarje dhe po zhvillojnë hetimet për aksidentin, ndërsa me urdhër të prokurorit trupi i pa-jetë i viktimës dërgohet në Institutin e Mjekësisë Ligjore për obduksion”, thuhet në njoftim.