Sipas policisë viktima ka humbur kontrollin e mjetit dhe ka dalë nga rruga, raporton Top Channel.

Për shkak të dëmtimeve të rënda, 38-vjeçar ka vdekur rrugës për në spital.

“Shkodër: Rreth orës 21:00, tek rreth rrotullimi Koplikut, shtetasi M.L, 38 vjeç, banues në fshatin Hot, Malësi e Madhe, duke drejtuar automjetin tip Opel, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga. Drejtuesi i automjetit shtetasi M.L, pësoi dëmtime të rënda dhe për pasojë gjatë rrugës për në spital ka ndërruar jetë. Grupi hetimor vijon veprimet për sqarimin e rrethanave dhe shkakut të aksidentit”, thuhet në njoftimin e policisë.