Mesfushori i Manchester United, Bruno Fernandes  është përfshirë në një aksident trafiku, por aktualisht nuk dihet nëse Fernandes ishte shoferi apo pasagjeri në automjet.

Sipas “The Mirror”, Fernandes dhe pasagjerët e tjerë nuk besohet të kenë pësuar lëndime serioze në aksident, por Man United ende nuk ka komentuar për këtë çështje.

Raporti ka shtuar se reprezentuesi portugez pritet të paraqitet për stërvitje në Carrington që do të zhvillohet më vonë dhe për këtë arsye mund të jetë i disponueshëm për udhëtimin në “Anfield”.

Fernandes ka shënuar nëntë gola dhe ka dhuruar 14 asistime në 40 paraqitje për “Djajtë e Kuq” në të gjitha garat këtë sezon.

Manchester United do të përballet me Liverpool nesër (e martë), në kuadër të xhiros 33 në Premier Ligë, me fillim nga ora 21:00.