Presidentja Vjosa Osmani, ka pritur të enjten në takim Shoqatën e Kosovës për Kërkim-Shpëtim pas kthimi nga aksioni humanitar në Turqi.

Me këtë rast, Osmani u ka ndarë mirënjohje për kontributin vullnetar në operacionin humanitar në Republikën e Turqisë, pas tërmetit që goditi këtë shtet.

Në takim me vullnetarët e kësaj shoqate, Osmani ka çmuar lart kontributin e tyre, duke potencuar se ata kanë përfaqësuar denjësisht shpirtin solidar e human të të gjithë qytetarëve të Kosovës.