Mbrojtësi i Bayern Munchen, David Alaba është gati të ndërrojë destinacionin nga Madridi në Barcelonë.

Gazetari gjerman i “Bild”, Christian Falk, ka publikuar një lajm i cili është bërë temë e diskutimeve në Spanjë. Sipas Falk, “Camp Nou” e tërheq Alaban më shumë sesa ndonjë transferim diku tjetër.

Alaba kishte deklaruar se e sheh të ardhmen në Spanjë, ku ai dhe agjenti i tij Pini Zahavi deklaruan se e ardhmja e austriakut është larg “Allianz Arenas”.

Zahavi njihet për lidhjet e tij të mira me tanimë presidentin e Barcelonës, Joan Laporta. Alaba mund të jetë zgjidhja në mbrojtjen katalunase, ai mund të luajë edhe në qendër të mbrojtjes edhe në të majtë.