“Albanica Homes” e drejtuar nga Driton Gërbeshi dhe Fondacioni “Behgjet Pacolli”, kanë vendosur të kontribuojmë me 200,000 euro për realizimin e projektit historik të ndërtimit të shtëpisë së re “VATRA” të Federatës Pan-Shqiptare të Amerikës në New York. Kështu ka bërë të ditur biznesmeni shqiptar, Behgjet Pacolli.

Njoftimi i plotë:

Me “Albanica Homes”, ndërmarrjen për ndërtimin e ambienteve ekskluzive të drejtuar nga kushëriri im Driton Gerbeshi, dhe Fondacionin “Behgjet Pacolli”, kemi vendosur të kontribuojmë me 200,000 euro për realizimin e projektit historik të ndërtimit të shtëpisë së re “VATRA” të Federatës Pan-Shqiptare të Amerikës në New York.

“Vatra” ka qenë dhe mbetet shtëpia jonë kombëtare, një burim frymëzimi dhe dëshmi e forcës sonë për t’u ngritur të bashkuar, krah për krah me mikun e palëkundur, Shtetet e Bashkuara të Amerikës.