Kreu i Nismës, Fatmir Limaj, ka deklaruar se kryeministri Albin Kurti duhet të heqë dorë nga veriu i Kosovës pas zgjedhjeve të djeshme në katër komuna të veriut, në të cilat serbët e kësaj pjese e bojkotuan procesin zgjedhor.

Sipas Limajt, qeveria do të duhej ta zgjidhte krizën politike që shkaktuan dorëheqjet e serbëve nga institucionet e jo të organizonte zgjedhje.

“Serbët e Kosovës në vazhdimësi kanë qenë viktimë e instrumentalizuar që sa dekada, dhe ende e kanë këtë problem nga Beogradi. Në shumë raste ne në Kosovë me veprimet tona, ia kemi mundësuar Beogradi. Qytetarët kanë mbetë në mes dy zjarreve. Vazhdon ajo situatë e rëndë për ta. Agjendet e këtyre njerëzve kanë fituar. Kjo është rruga me e mirë e Kurtit për të heq dorë nga pjesa veriore e Kosovës. Zgjedhjet nuk janë në vetëvete demokratike vetë mbajtja e tyre. Nuk është detyrë ligjore e demokratike e zgjedhjeve edhe mori kush mori pjesë”, tha Limaj.

Sipas tij, kryeministri Kurti e presidenti Vuçiq do t’i vazhdojnë agjendat e tyre politike dhe t’i mashtrojnë qytetarët e veriut.