Skënder Karaçica, drejtor ekzekutiv i SHSHA-së në Çikago, përmes një postimi në “Facebook” ka shkruar se kryeministri Albin Kurti duhet të shkojë në Prokurorinë Speciale për të dëshmuar.

“Nëse Albin Kurti heziton për shkak të autoritetit si i pari i Qeverisë së Kosovës, që mos të përgjigjet në thirrjen e Prokurorisë Speciale, atëherë do të hapë udhën e anarkisë për të tjerët, madje edhe për qytetarët e thjeshtë, të biznesmenëve e të tjerëve, do të thonë: Kur nuk shkoi kryeministri Albin Kurti në Prokurorinë Speciale, atëherë as ne nuk do të shkojmë, do të bëhet si referen i përditëshmërisë tonë në Kosovë (sic!)”, ka shkruar ai në “Facebook”.

Postimi i plotë i tij:

Në dritën e shtetit ligjor

Albin Kurti duhet të shkoi në Prokurorinë Speciale për të dëshmuar!
Kryeministri Albin Kurti, duhet patjetër dhe në dritën aktit kushtetues-ligjor dhe të pushteteve të ndara në Kosovë të shkoi në Prokurorinë Speciale në Prishtinë për të dëshmuar.
Prokuroria është adresa e drejtësisë ligjore, nuk ka nevojë të trokasë në dyert e zyrës së kryeministrit të Kosovës, Albin Kurti! Të mësohemi me lirinë dhe drejtësinë e shtetit të Kosovës (sic!).
Nëse Albin Kurti heziton për shkak të autoritetit si i pari i Qeverisë së Kosovës, që mos të përgjigjet në thirrjen e Prokurorisë Speciale, atëherë do të hapë udhën e anarkisë për të tjerët, madje edhe për qytetarët e thjeshtë, të biznesmenëve e të tjerëve, do të thonë: Kur nuk shkoi kryeministri Albin Kurti në Prokurorinë Speciale, atëherë as ne nuk do të shkojmë, do të bëhet si referen i përditëshmërisë tonë në Kosovë (sic!).
Para ligjeve dhe para institucioneve të drejtësisë në Kosovë, duhet të jemi të gjithë të barabartë!
(Dhjetor,2024)