Kryetari i Lëvizjes Vetëvendosje, Albin Kurti, ka përcjell nga afër disa nga meçet e turneut ndërkombëtar të boksit “Adem Jashari në Prishtinë. Ai nëpërmjet  një postimi në “Facebook” ka konfirmuar se në mbrëmje do të jetë i pranishëm në stadiumin “Fadil Vokrri” që të përcjell nga afër ndeshjen kualifikuese Kosovë-Angli.

“Sikur para tri dekadave, e diela po më përsëritet sot. Në mesditë me bokserët Xhevdet Pecin, Mehmet Bogujevcin, Aziz Salihun, Fatmir Makollin e Beqir Berishën, kurse pasdite te ‘Fadil Vokrri’ në stadiumin e qytetit me futbollistët tanë. Ndoqa disa meçe në kuadër të edicionit të 21-të të Turneut Ndërkombëtar të Boksit ‘Adem Jashari’. Mu në këtë sallë të Pallatit të Rinisë dikur ngadhënjente Klubi i Boksit ‘Prishtina’, disa orë para se në fushën e blertë të ngadhënjente Klubi Futbollistik ‘Prishtina’ me Vokrrin që shënonte. Mirupafshim sonte në ndeshjen Kosovë-Angli”, ka shkruar Kurti në profilin e vet në “Facebook”.

/Epoka e re/