Skuadra e Clevelandi u mund me rezultat 109-108 nga Houstoni në sekondat e fundit të ndeshjes. Garland realizoi 26 pikë për kryesuesit e NBA-së, por që s’mjaftuan, ndërsa për vendasit 6 lojtarë realizuan mbi 10 pikë (VanVleet me 26 pikë më i miri).

Pa probleme fiton Oklahoman, skuadra që kryeson renditjen në Perëndim, që mundi me rezultat 123-114 Utah Jazz. Ndeshje magjike për Alexander Shai, që realizoi 54 pikë për skuadrën e Thunder, protagonist absolut i këtij sezoni. Pas kohës shtesë fiton Bostoni, që triumfoi me rezultat 117-113 ndaj Clippersave. Dyshja Brown-Tatum realizoi 49 pikë së bashku.

Në sekondat e fundit fiton edhe Minnesota, që mundi me rezultat 115-114 Dallasin jashtë fushe, sfidë ku u dallua McDaniels me 27 pikë. Nuk zhgënjen ekipi i Phoenixit, që falë 32 pikëve të Booker dhe 24 të Durant, mundi me shifrat 108-84 Brooklynin. Vazhdon sezoni me hope i Golden State, që u mund me shifrat 123-117 nga Sacramento, sfidë ku DeRozan realizoi 32 pikë.

Rezultatet

Atlanta – Detroit                         104-114
Brooklyn – Phoenix                    84-108
Dallas – Minnesota                     114-115
Houston – Cleveland                  109-108
Memphis – Charlotte                  132-120

New Orleans – Milwaukee         (e shtyrë)
Oklahoma – Utah Jazz                123-114
Sacramento – Golden State        123-117
Clippers – Boston                         113-117