Kryetari i BDI-së, Ali Ahmeti, ka kujtuar demonstratat e vitit 1981.

Ai përmes një postimi në llogarinë e vet në “Facebook”, ka shkruar se përpjekjet

e pranverës së ‘81 ndërtuan besimin e palëkundur të gjeneratave të tëra ndër dekada që akoma e mbajnë frymën gjallë.

“38 vjet nga fillimi i rrënimit të ish Jugosllavisë dhe vijimi i përpjekjeve për liri, barazi dhe demokraci që kulminuan me luftërat çlirimtare. 

Pavarësisht goditjeve, vrasjeve, burgosjeve ndër vite, nuk arritën dot ta ndërpresin vazhdimësinë e ketyre përpjekjeve deri ne çlirim.

Këto përpjekje të pranverës së ‘81 ndërtuan besimin e palëkundur të gjeneratave të tëra ndër dekada që akoma e mbajnë frymën gjallë”, ka shkruar Ahmeti.