Kryetari i Bashkimit Demokratik për Integrim (BDI) Ali Ahmeti, mbërriti në Tiranë me ftesë të Kryeministrit Edi Rama.

Ahmeti shoqërohet nga zv. Kryeministri Artan Grubi dhe këshilltari i njohur i çështjeve ndërkombëtare dhe njëkohësisht mik i vjetër i Ahmetit, Ilir Kulla.

Gjatë ditës së nesërme, Ali Ahmeti do të zhvillojë takime pune në Tiranë dhe në axhendë është takimi me Presidentin e Republikës, Bajram Begaj.

Kryeministri Edi Rama ka inicuar mbrëmjen e sotme një takim me përfaqësuesit e të gjitha partive shqiptare në Maqedoninë e Veriut.

Kreu i BDI-së, Ali Ahmeti, Afrim Gashi i Alternativës, Menduh Thaçi i PDSH-së dhe Arben Taravari i Aleancës për Shqiptarët do të jenë të pranishëm në takimin me kryeministrin Edi Rama.

Tema që pritet të diskutohet janë zhvillimet politike në Shkup dhe ngërçi me Bullgarinë.

https://youtu.be/Bc9igZm8f_I