Kryetari i Bashkimit Demokratik për Integrim, Ali Ahmeti në faqen e tij zyrtare në “Facebook” ka shkruar se lutjet e tij janë me Tetovën dhe me tetovarët.

Ahmeti ka treguar se ka takuar kryetaren Teuta Arifi, kryeministrin, ministra, por edhe prokurorin publik të shtetit, bashkë me policinë dhe stafin mjekësor.

“Kërkojmë me këmbëngulje hetim të plotë, të thellë dhe të shpejtë rreth shkaqeve që shkaktuan kaq dhimbje për të gjithë ne. Sonte jam pranë familjeve të viktimave dhe ju shpreh ngushëllimet më të sinqerta, ndërsa të lënduarit uroj të shërohen shpejt”, ka shkruar Ahmeti.