Aliu takon John Kerryn: ShBA-ja mbetet aleatja më e rëndësishme e Kosovës
Ministri i Infrastrukturës dhe Mjedisit, Liburn Aliu është duke qëndruar në Berlin.
Me këtë rast, ai ka njoftuar se ka takuar John Kerryn, të dërguarin e posaçëm presidencial të Amerikës për ndryshme klimatike.
“Në hapjen e ditës së dytë të dialogut të klimës në Berlin, pata nderin e veçantë që të takoj z. John Kerry, të dërguarin e posaçëm presidencial të ShBA-ve për ndryshime klimatike, të cilit i shpreha mirënjohjen time dhe të shtetit e popullit tonë për ndihmën, përkrahjen dhe kontributin e pakursyer të Shteteve të Bashkuara të Amerikës për shtetndërtimin e Republikës sonë”, ka njoftuar Aliu.
Ministri Aliu ka theksuar se Shtetet e Bashkuara të Amerikës mbeten partneri dhe aleati ynë më i rëndësishëm.
“Drejt rritjes tonë ekonomike, çështjeve mjedisore dhe ndryshimeve klimatike, dekarbonizimit të sektorit të energjisë si dhe avancimit të mëtutjeshëm të së mirës së përgjithshme dhe vlerave demokratike”, ka thënë Aliu.