Ministri i Infrastrukturës, Mjedisit dhe Planifikimit Hapësinor, Liburn Aliu, ka bërë me dije se ka nënshkruar marrëveshje për banimin e përballueshëm edhe me Komunën e Istogut.

Në një postim në “Facebook”, ai ka deklaruar se marrëveshjen e nënshkroi pas komunave të Gjilanit, Podujevës, Pejës dhe Kamenicës.

“Sot kemi arritur të nënshkruajmë gjithashtu marrëveshjen me komunën e Istogut”.

“Qëllimi ynë është të përmbushim një nga nevojat më urgjente të qytetarëve tanë: sigurimin e banimit të përballueshëm në të gjitha komunat”, ka shkruar Aliu.