Massimiliano Allegri beson se Chelsea nuk do t’i japë asnjë pikë referuese Juventusit pa Romelu Lukakun.

Lukaku luajti ndeshjen në Torino, e fituar nga “Zonja e Vjetër” në shtator, por ai pastaj pësoi një lëndim që e la jashtë fushave për më shumë se një muaj. Ai mund ta bëjë rikthimin ndaj gjigantëve të Serie A nesër.

Juventusi e viziton Chelsean në “Stamford Bridge” nesër dhe një fitore do t’ia siguronte biankonerëve vendin e pare në grupin H.

“Nesër do të luajmë për vendin e parë kundër liderëve të Premier League dhe fituesve të Ligës së Kampionëve. Pa Lukakun, ata kanë karakteristika të ndryshme. Ata do të kenë më pak pikë referimi dhe do të bëjnë më shumë kundërsulme. Lukaku është një pikë referimi. Ata fitojnë shpejtësi pa të dhe mbrojnë ndryshe”, ka thënë Allegri në konferencë për media.