Juventusi nuk arriti më shumë se një barazim ndaj Villarealit. Trajneri i Juventusit, Max Allegri u ndal përpara mikrofonave të Mediaset pas ndeshjes për të komentuar mbi takimin.

“Gabimi në golin e pësuar ishte vendimtar, e lamë Parejon në mes të zonës vetëm. Villarreal gjithmonë kërkonte të luante midis hapësirave. Te goli ishim gjashtë kundër një dhe mbetëm të shtangur. Për pjesën tjetër patëm një ndeshje të mirë dhe patëm disa raste. Tani është bërë si finale, nuk ka zgjidhje tjetër veç fitores në ndeshjen e dytë. Vlahoviq zhvilloi një ndeshje të mirë dhe nuk ishte e lehtë. Si ai dhe Morata bënë mirë kundër një ekipi teknik dhe ekspert. Shpresoja të fitonim 3-0, por duhet të qetësohemi dhe të ecim hap pas hapi. Ne kërkonim gjerësi dhe kjo ndeshje duhej të luhej në këtë mënyrë. E kishim lojën në dorë, por kur bëjmë një lojë të bukur, atëherë jemi më pak të këqij në fushë. Më mirë të kesh një Juve të shëmtuar dhe fitues sesa të bukur dhe humbës”, ka deklaruar Allegri.