Xabi Alonso, trajner i Bayer Leverkusenit pas disfatës së pësuar ndaj Liverpoolit në “Anfield” ka thënë: “Mund të them shumë gjëra dhe tu shpjegoj shumë gjëra lojtarëve, por të kontrolloj atmosferën që krijohet në këtë stadium…. Unë e njoh situatën, e di që lojtarët vendas e ndiejnë atë. Nuk është e lehtë të mbrohemi, por në fund është e vështirë, nuk janë të lumtur, por nuk është fundi i botës”.

Trajneri spanjoll që ka luajtur për një kohë të gjatë për Liverpoolin ka thënë se është pritur mirë në “Anfield”. “Do të jetë më e vështirë për të fjetur, por pastaj do të mendojmë për ditën tjetër. Më pritën mirë, kam ndjenja të hidhura për ndeshjen, që do të thotë se nuk mund ta shijoj pritjen. E kam vlerësuar shumë, jam mirënjohës që pas kaq vitesh kam ende një lidhje me klubin, por do të ishte edhe më mirë me një rezultat më të mirë”, ka shtuar ai.

Duke folur për rezultatin e ndeshjes, Alonso ka potencuar se pjesa e dytë ishte më e vështirë për skuadrën e tij “Sigurisht, pjesa e dytë nuk ishte mjaft e mirë në krahasim me të parën. Në 45 minutat e para ne konkurruam shumë mirë dhe luajtëm mirë. Arritëm të kishim posedim të mirë të topit dhe ndoshta nuk patëm shumë raste, por ishim intensive në mbrojtje dhe kishim organizim të mirë. Në pjesën e dytë filluam të mos e kishim topin, nuk mundëm ta gjenim lojtarin e lirë. Goli i parë ishte pasojë e kësaj, ata e kaluan topin shumë lehtë, ne nuk ishim mjaftueshëm të shpejtë dhe goli i dytë dy minuta më vonë… Humbja 4-0 është një rezultat i vështirë, më i vështirë për tu pranuar se performanca, por kjo është Liga e Kampionëve në ‘Anfield’”, ka deklaruar Alonso.