Xabi Alonso po shihet si zëvendësues Jurgen Klopp në skuadrën e Liverpoolit.

Trajneri gjerman ditë me parë ka dhënë lajmin për largim nga Liverpooli në fund të sezonit, derisa prestigjiozja gjermane “BILD” raporton se në vend të Kloppit në “Anfield” do të vijë ish-mesfushori Xabi Alonso.

Alonso mund të largohet në verën e këtij viti, nga “Aspirinat”, për shkak të një klauzole tejet të veçantë, që ka në kontratën e tij, me skuadrën e Bayer Leverkusen.

Bëhet fjalë për një klauzolë, e cila e lejon 42-vjeçarin, të largohet nga stoli i “Aspirinave”, në rast se vjen një ofertë nga 3 klube të mëdha evropiane, Real Madrid, Bayern Munchen ose Liverpool, skuadra këto, ku vetë Alonso ka qenë protagonist gjatë karrierës së tij e ku ka arritur të fitojë thuajse gjithçka.