Alvaro Gonzalez ka mohuar pretendimet e Neymarit. Braziliani akuzoi mbrojtësin spanjoll për racizëm në ndeshjen e mbrëmjes së kaluar mes PSG-së dhe ekipit të Andre Villas-Boas, që triumfoi 0-1 në kryeqytet.

Një sherr i madh shpërtheu në minutat shtesë, duke detyruar gjyqtarin t’i tregonte kartonin e kuq pesë lojtarëve, teksa përplasja më e madhe ndodhi mes Neymarit dhe Alvaros.

“Nuk bëhet fjalë për racizëm. Karriera ime ka qenë e pastër deri tani, kam pasur shumë kolegë dhe shokë me ngjyrë gjatë përditshmërisë. Ndonjëherë, duhet të mësosh të humbësh dhe t’ia lësh fushës atë çfarë ndodh aty. Tre pikë të pabesueshme, forca Marseille, falënderoj familjen e Marseille”, ka shkruar 30-vjeçari spanjoll.