47 kandidatë për deputetë nuk mund të jenë pjesë e listave të partive politike për zgjedhjet e 14 shkurtit pasi janë shpallur fajtor për vepra penale me një vendim përfundimtar të gjykatës në tri vitet e fundit.

Ambasada e Francës në Kosovë është deklaruar rreth kësaj çështje, duke thënë se presin që procedurat e certifikimit të përcaktohen me ligj dhe se institucionet e pavarura të kryejnë punën e tyre pa ndërhyrje.

“Ne presim që institucionet e Kosovës të sigurojnë organizimin e zgjedhjeve të besueshme, gjithëpërfshirëse dhe transparente, të zhvilluara në përputhje me standardet ndërkombëtare. Procedurat parazgjedhore, përfshirë certifikimin e kandidatëve, janë ende në vazhdim. Këto procedura përcaktohen me ligj dhe përfshijnë mundësi ankese. Është e rëndësishme që institucionet e pavarura dhe organet përkatëse gjyqësore të jenë në gjendje të kryejnë punën e tyre pa ndërhyrje”, është thënë në reagimin e Ambasadës së Francës.

Ky reagim i kësaj ambasade ka ardhur pas akuzave të fundit që zyrtarë të Vetëvendosjes në drejtim të kryetares së Komisionit Qendror të Zgjedhjeve, Valdete Daka.