Ambasada e Shteteve të Bashkuara të Amerikës në Kosovë i ka dhënë përkrahje aksionit të policisë në veri të zhvilluar ditën e martë, për luftimin e korrupsionit dhe sundimin e ligjit.

Kjo ambasadë ka theksuar se pikërisht ky aksion ishte përpjekje për sundimin e ligjit.

“Shtetet e Bashkuara i përshëndesin përpjekjet e zbatimit të ligjit nga qeveria e Kosovës për të luftuar korrupsionin dhe për të forcuar sundimin e ligjit”, është thënë në njoftimin e Ambasadës së ShBA-së në faqen e saj në “Facebook”.