Ambasada e ShBA-së i jep mbështetje MAShTI-it për mësimin në distancë
05 maj 2020
| 13:26
Ambasada e Shteteve të Bashkuara të Amerikës (ShBA), i ka ofruar përkrahje Ministrisë së Arsimit, Shkencës, Teknologjisë dhe Inovacionit (MAShTI) për organizimin e mësimit online për shkak të situatës me Covid-19.
Kjo ambasadë ka theksuar se suksesi i rinisë është përparësi për Kosovën.
“Suksesi i rinisë kosovare është përparësia jonë kryesore dhe arsimi është çelësi. Ambasada e Amerikës është bashkuar me Ministrinë e Arsimit, Shkencës, Teknologjisë dhe Inovacionit dhe mbështetësve të tjerë për të vazhduar mësimet në mënyrë elektronike”, ka shkruar Ambasada e ShBA-së në faqen e vet zyrtare në “Twitter”. (L.G /Epoka e re)