Unë mendoj se viti 2019 duhet të jetë viti i një marrëveshjeje gjithëpërfshirëse. Nëse marrëdhënia në mes të Serbisë dhe Kosovës nuk përmirësohet, do të bëhet edhe më keq. Nuk ekziston mundësi e vërtetë për ta mbajtur ‘status quon’.

Kështu ka thënë Philip Kosnett, ambasador i ri i ShBA në Prishtinë, në një intervistë për portalin “Kossev”.

Ai ka thënë se vendi i tij dëshiron të shohë një “marrëveshje kreative dhe gjithëpërfshirëse midis dy vendeve”, e cila duhet të marrë parasysh shqetësimet dhe sigurinë e serbëve në Kosovë dhe e cila nuk mund të shpërfillet.