Me rastin e 25 vjetorit të masakrës së Reçakut, ambasadori amerikan në Prishtinë, Jeffrey Hovenier, ka kërkuar që “askush të mos harrojë dhe mohojë” atë çfarë ka ndodhur më 15 janar të 1999, por edhe atë se pse Shtetet e Bashkuara të Amerikës dhe aleatët i kanë ardhur në mbrojtje Kosovës.

“Thënë në fjalët e dr. Martin Luter Kingut: ‘Padrejtësia diku është kërcënim për drejtësinë kudo’. Askush të mos e harrojë dhe mohojë atë çfarë ka ndodhur në Reçak, ose se pse ShBA-ja dhe aleatët erdhën në mbrojtje të popullit të Kosovës. E kujtoj mirë atë ditë”, ka shkruar Hovenier në platformën “X”.

In the words of Dr. Martin Luther King: “Injustice anywhere is a threat to justice everywhere.”
Let no one forget or deny what happened in Recak/Racak, or why the United States and our allies came to the defense of the people of Kosovo. I remember that day well.… https://t.co/jeIIGzCEPn

— Ambassador Jeff Hovenier (@USAmbKosovo) January 15, 2024