Ambasadori i Shteteve të Bashkuara të Amerikës në Kosovës (ShBA), Jeff Hovenier, ka falënderuar pjesëmarrësit në diskutimin e sotëm për Asociacionin e komunave me shumicë serbe.

Ai ka thënë se takimi i sotëm ishte “sesion dëgjimor”.

“Sot mbajtëm një sesion dëgjimor në Ambasadën amerikane në Prishtinë, rreth Asociacionit të komunave me shumicë serbe. Falënderues ndaj pjesëmarrësve të ndryshëm, që ndanë pikëpamjet dhe ekspertizën e tyre. Ne vazhdojmë të avokojmë për zbatimin e të gjitha zotimeve të dialogut”, është thënë në deklaratën e ambasadorit Hovenier, të publikuar nga ambasada amerikane.