Ambasadori i Shteteve të Bashkuara të Amerikës në Prishtinë, Jeffrey Hovenier, ka thënë se implementimi i plotë i marrëveshjes së Ohrit është shumë i rëndësishëm  për Kosovën dhe Serbinë.

Duke mos dashur që të komentojë më shumë ai  u ka thënë shkurt gazetarëve që t’i referohen deklaratës së mbrëmshëm, kur kjo ambasadë ka reaguar pas zgjedhjeve mbajtjes se zgjedhjeve. “Mbrëmë kemi bërë një deklaratë, e cila flet vetë për rëndësinë e implementimit të plotë të marrëveshjes së Ohrit”.

Në një komunikatë për media, Ambasada amerikane në Prishtinë ka thënë se përkrahin një demokraci të larmishme, gjithëpërfshirëse, multietnike në Kosovë dhe iu vjen keq që jo të gjitha partitë nuk e shfrytëzuan të drejtën e tyre për të marrë pjesë në zgjedhjet e sotme.

Nga kjo ambasadë është shprehur mirënjohje për profesionalizmin e Policisë së Kosovës, misionit të BE-së për Sundimin e Ligjit (EULEX) dhe KFOR-it në sigurimin e një mjedisi të sigurt për zgjedhjet.

“Ne do të vazhdojmë të angazhohemi me të gjitha palët relevante për hapat e ardhshëm. Ne gjithashtu ritheksojmë rëndësinë dhe përkushtimin tonë për zbatimin e plotë të marrëveshjes së Ohrit”, ishte thënë në komunikatën e Ambasadës amerikane në Prishtinë.