Presidenti i Kosovës Hashim Thaçi, kryeministri Ramush Haradinaj dhe ministri i Punëve të Jashtme, Behgjet Pacolli, në kuadër të pjesëmarrjes së tyre në Samitin e Berlinit, kanë vizituar edhe ambasadorin e ShBA-së në Gjermani, Richard Allen Grenell.

Në njoftimin e ambasadës së ShBA-së në Berlin, të cilin e ka publikuar në llogarinë zyrtare në “Twitter” është thënë se ambasadori Grenell ka ripërsëritur mbështetjen e fuqishme të Amerikës në çështjen e dialogut Kosovë-Serbi.

“Ambasadori Grenell mirëpriti presidentin e Kosovës, Hashim Thaçin, kryeministrin Ramush Haradinaj dhe ministrin e Jashtëm, Behgjet Pacolli për të përsëritur mbështetjen e fuqishme të ShBA-së për dialogun midis Kosovës dhe Serbisë”, ka njoftuar ambasada e ShBA-së në Gjermani.

/Epoka e re/

Ambassador Grenell welcomed #Kosovo President Thaci, Prime Minister Haradinaj and Foreign Minister Pacolli to the Embassy to reiterate strong U.S. support for dialogue between Kosovo and #Serbia. pic.twitter.com/k7eAViHnZE

— US-Botschaft Berlin (@usbotschaft) April 30, 2019