Ambasadori i Shteteve të Bashkuara të Amerikës (ShBA) në Kosovë, Jeffrey Hovenier, përmes një shkrimi në “Twitter”, ka uruar kadetët e rinj të Policisë së Kosovës, të cilët kanë diplomuar të premten.

Ai është shprehur se Policia e Kosovës është për t’i shërbyer të gjitha komuniteteve në Kosovë.

“Urimet e mia të përzemërta për kadetët e rinj të Policisë së Kosovës për ditën e diplomimit! I kënaqur të di që kjo klasë përbëhet nga përfaqësues të ndryshëm nga mbarë Kosova”.

“Policia e Kosovës ekziston për t’i shërbyer të gjitha komuniteteve në Kosovë, dhe ky është një hap tjetër drejt sigurimit të përbërjes së tyre që pasqyron Kosovën në të gjithë diversitetin e saj”, ka shrkuar Hovenieri.