Në Institutin e Trashëgimisë Shpirtërore e Kulturore të shqiptarëve të Maqedonisë, në Shkup, u promovua libri i autorit, publicistit dhe gazetarit Emin Azemi.

Në këtë promovim të këtij libri ka marrë pjesë edhe ambasadori i Kosovës në Maqedoni, Gjergj Dedaj, i cili ka theksuar se libri ‘Bllaca Dhimbja e Lirisë’ i kushtohet deportimit të dhunshëm masiv, drejt Maqedonisë të afër 500.000 shqiptarëve nga Kosova, nga forcat serbe të Millosheviqit.

“Kosovarët e zhvendosur me qellim të spastrimit etnik, gjeten mikpritjen, bujarinë dhe ngrohtësinë e bashkëkombësve në Republikën e Maqedonisë së Veriut, të cilët u kujdesen për fatin e tyre, derisa u arrit liria dhe u kthyen në shtëpitë e tyre dhe në Kosovën e lirë”, ka thënë Dedaj.

Ambasadori Dedaj ka theksuar se ky libër paraqet sakrificën titanike të popullit martir të Kosovës.

Dedaj ka përshëndetur autorin e librit Emin Azemin si dhe Skender Asani, drejtor i ITSHKSH-së në Maqedoninë e Veriut.

/Epoka e re/