Ambasadori i Kosovës në Maqedoninë e Veriut, Gjergj Dedaj, përmes një postimi në llogarinë e vet në “Facebook”, ka reaguar për ftesat e Gjykatës Speciale.

“Sakrificat, martirizimi dhe lufta e popullit të Kosovës ishte e drejtë, e pastër dhe e shenjtë. Në të vërtetë kjo luftë ishte biblike dhe titanike, sepse ishte në vendin tonë, ishte për liri dhe ishte vetëmbrojtëse! Në Hagë mbrohet Kosova dhe në Hagë do duhej të shkonin gjeneralët dhe komandantët serbë, të cilët bënë gjenocid dhe masakra në Kosovë”, ka shkruar Dedaj.