Ministri i Punëve të Brendshme (MPB), Ekrem Mustafa është takuar të premten me ambasadorin e Francës në Kosovë, Didier Chabert.

Në këtë takim ministri Mustafa e ka njoftuar ambasadorin francez për situatën e përgjithshme të sigurisë në Kosovë, duke vlerësuar se situata është e qetë dhe stabile.

Ai po ashtu ka vënë në dukje angazhimet që po bëhen sa i përket luftimit të krimit të organizuar dhe korrupsionit.

Ndërsa, ambasadori Chabert është shprehur i gatshëm në vazhdimin e bashkëpunimit të mirë që ka ekzistuar mes dy vendeve, sidomos sa i përket bashkëpunimit policor.

/Epoka e re/