Ambasadori i Gjermanisë në Kosovë, Jorn Rohde, ka kërkuar nga qeveria Kurti që të bëjë hapa konkret për themelimin e Asociacionit të komunave me shumicë serbe.

Rohde ka thënë se ky veprim është thelbësor për integrimin e serbëve në institucionet e Kosovës.

Këto komente, Rohde i ka bërë të mërkurën në edicionin e tretë të Samitit të Kosovës për Paqe dhe Demokraci.

Rohde ka theksuar nevojën që Kosova dhe Serbia ta zbatojnë marrëveshjen bazë të Brukselit dhe aneksin e Ohrit.