Ambasadori gjerman: Qeveria të formohet shpejt, po ashtu edhe presidenti të zgjedhet
Pas certifikimit të rezultateve nga KQZ-ja, ka reaguar ambasadori i Gjermanisë në Kosovë, Jorn Rohde.
Përmes profilit të tij zyrtar në “Twitter” diplomati gjerman ka uruar Vetëvendosjen për atë që Rohde e ka cilësuar si fitore historike me më shumë se 50 për qind të votave.
“Mirë që u certifikuan rezultatet. Urime ekipit të Vetëvendosjes për fitoren historike me më shumë se 50 % të votave”, ka shkruar Rohde.
Ai ka thënë se ky y rezultat i qartë duhet të dërgojë në një formim të shpejt të Qeverisë dhe zgjedhje të një presidenti.
“Dhe veprime po aq vendimtare për shumë prioritete urgjente të Kosovës”, ka shkruar Rohde.
Good that election results are certified. Congrats to @LVetevendosje team for historic win of more than 50% of votes. This clear outcome should lead to swift formation of government and election of a president and equally decisive action on the many urgent priorities of Kosovo
— Ambassador Jörn Rohde (@GermanAmbKOS) March 13, 2021
