Ambasadori i Gjermanisë në Kosovë Jorn Rohde, ka thënë se arritja e marrëveshjes për implementimit të planit evropian me Serbinë është esenciale për Kosovën në ecjen e rrugës drejt Bashkimit Evropian (BE).

Rohde ka thënë se plani franko-gjerman e ka mbështetjen e plotë edhe të Parlamentit Evropian (BE).

“Gjithashtu mbështetje e plotë për propozimin e BE-së nga Parlamenti Evropian! Marrëveshja për zbatimin e aneksit nga Kosova dhe Serbia më 18 mars në Ohër është thelbësore për të ecur përpara në rrugën evropiane”, ka shkruar Rohde.

Më 18 mars në Ohër, do të takohen kryeministri i Kosovës, Albin Kurti dhe presidenti i Serbisë, Aleksandër Vuçiq.

Aty mbetet të shihet nëse do të ketë marrëveshje rreth zbatimit të propozimit të planit franko-gjerman.

Also full support for the 🇪🇺 proposal from the 🇪🇺 Parliament!
Agreement on implementing the annex by 🇽🇰 and 🇷🇸 on the 18th in Ohrid now is essential to move forward on the European path. https://t.co/EshpNJqUle

— Ambassador Jörn Rohde (@GermanAmbKOS) March 15, 2023