Ambasadori i Izraelit në Serbi, Jahel Vilan, ka bërë me dije se është e pamundur mundësinë që Izraeli të tërheqë njohjen e Kosovës.

Ai ka thënë se përderisa dy shtetet janë pajtuar me marrëveshjen për themelim të raporteve diplomatike nuk ka asgjë kontestuese mes dy vendeve.

“Nuk e shoh të mundshme për momentin. Një marrëveshje është arritur, Izraeli e ka njohur Kosovën dhe Kosova do të hapë ambasadën në Jerusalem. Nuk shoh tërheqje të njohjes përderisa dy shtetet janë pajtuar për këtë në marrëveshje”, ka deklaruar ai në një deklaratë për “TV Prva”.