Për publikimin e aktakuzave nga Gjykata Speciale ndaj presidentit Hashim Thaçi dhe kryetarit të PDK-së, Kadri Veseli, ende pa u konfirmuar nga gjykata, ka reaguar ambasadori i Kosovës në Holandë, Lirim Greiçevci.

Ai me anë të disa në llogarinë e vet në “Twitter” ka thënë se ky veprim nga ky institucion e vë në pikëpyetje seriozitetin dhe profesionalizmin e Gjykatës Speciale.

“Njoftimi nga Prokuroria Speciale për akuzat e paraqitura kundër presidentit Thaçi dhe z. Veseli, përpara se ato të ishin konfirmuar nga një gjykatës dhe më shumë gjasë në kundërshtim me rregullat e gjykatës, do të vë në dyshim serioz pavarësinë dhe profesionalizmin e tyre”, ka shkruar ai.

Greiçevci ka përmendur edhe faktin se ekziston mundësia reale që Gjykata Speciale mund t’i hedhë poshtë aktakuzat ndaj Thaçit e Veselit.

“Shumica e medieve ndërkombëtare kanë raportuar, gabimisht se z. Thaçi dhe z. Veseli ishin akuzuar zyrtarisht. Ende ekziston një mundësi teorike që gjyqtari mund të mos i konfirmojë akuzat. Në atë rast, dëmi i pakthyeshëm do të jetë shkaktuar në imazhin e Kosovës si një shtet i ri”, ka shkruar Greiçevci.

The announcement by the SPO about accusations filed against President Thaci and Mr Veseli, before they had been confirmed by a judge and most likely in breach of the Court's Rules, will call into serious question their independence & professionalism. 1/4https://t.co/XRUAks805q

— Lirim Greiçevci (@LirimGreicevci) June 25, 2020

Most int’l media have reported, erroneously, that Mr Thaci & Mr Veseli had been formally charged. There is still a theoretical possibility the judge might not confirm the accusations. In that case, irreversible damage will have been caused to Kosovo’s image as a young state. 2/4

— Lirim Greiçevci (@LirimGreicevci) June 25, 2020